محمد صلاح ولوفرين نزلوا إسكندرية متنكرين: شوف عملوا إيه - موقع كلام
منوعات

محمد صلاح ولوفرين نزلوا إسكندرية متنكرين: شوف عملوا إيه



كشرى
كبدة
حوواشى
وكله اسكندرانى
محمد صلااااااااح فى اسكندرية
اعلان Pepsi الجديد..

محمد صلاح ولوفرين بينزلوا اسكندرية متنكرين وبياكلوا اكل مصرى اسكندرانى وبرده الناس بتعرفهم
اعلان بجد لذيذ …وتخيل كام مليون متابع لصلاح وللكرواتى لوفرين حيتابع الاعلان ويشوفه ويبقى نفسه يزور مصر
الاعلان ده اكبر دليل على ان العين اللى عايزة تشوف الجمال حتشوفه وتلاقيه
الاعلان سلط الضوء على لقطات بسيطة وجميلة فى اسكندرية لمنطقة القلعة وللاضاءه فيها ..لقطات للشارع للكورنيش للمراكب …. للناس البسيطة ..لعربيات الاكل الشعبى واظهرها فعلا كلوحات فنية رائعة وخلفية لنجمين عالميين محبوبين جماهيريا
وده حيخلى ناس كتير كمان من بره اسكندرية تشارك الاعلان وتشوف جمال بلدنا ويبقى نفسها تزور اسكندرية
هذا ما تصنعه الصورة فى عقلك
لو طول الوقت مش بتشوف غير صور سواد وقبح واكوام زبالة …وبيتقال لك اسكندرية قبيحة ….انت حتشوفها قبيحة فعلا وحتكرهها كمان …و حتى الحلو اللى فيها عينك مش حتشوفه
لو طول الوقت يقولوا لك مصر فاشلة وخربانة …مش حتشوف الا الفشل والخراب اللى فيها !!
وعمرك ما حتشوف الحلو ولا الانجاز
يمكن لما كانوا بيصوروا عشوائيات وقبح فى افلامهم زى افلام خالد يوسف …كانوا ممكن فى الاعلان والاعلام يلاقوا لنفسهم مبرر …انهم بينقلوا لك الواقع وقتها !!
لكن النهاردة ايه مبرر نشر القبح وبس …طالما عندنا الاجمل وطالما مصر بتتغيير كده
بلد زى طوركيا او غيرها طول الوقت تصدر لك وللعالم كله صور ومشاهد جميلة فى اعلانات ومسلسلات …عمرها ما حتصدر لك صورة شوارعها الخلفية واللى فيها
ما تجريش على اقرب كوم زبالة وتحط راسك فيه وتجرى تصوره …وتيجى تقولنا هى دى مصر !!!
مصر جمييلة للى حيشوفها بحب ..وللى الجمال موجود فى قلبه
انت كمواطن عادى …لو مليت صفحتك على السوشيال ميديا بصور جميلة عن بلدك …انت كده شاركت فى الترويج لها ولدعمها سياحيا على الاقل …
شكرا محمد صلاح المصرى بزيادة على الاعلان الحلو المبهج ده
ولو انى زعلانة منك ..كده تيجى اسكندرية وما تقولييييش..

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
x
%d مدونون معجبون بهذه: